Tras unha reflexión sobre as cores e os seus significados e a lectura do conto “El color negro mola” de Coni La Grotteria, desvaneceuse o medo e a tenebrosa escuridade asociada a cor negra. Con total naturalidade as crianzas debuxaron mares, paisaxes e arcos da vella pintados de negro e cores escuras. Bonitos e libres. Non limitemos a súa creatividade. Non condicionemos o seu imaxinario.

Tras unha charla sobre a pel, as súas tonalidades e funcións e a lectura do conto “El color de la piel” de Coni La Grotteria, desmitificamos a “cor carne”, aínda moi interirorizada como a “cor da pel”. De primeira man, experimentaron que para debuxar e pintar persoas precisan unha amplia gama de cores. Para mostra, un botón: debuxaron o seu autorretrato e o colorearon, seleccionando a cor máis apropiada das dispoñibles na caixa de pinturas de “Ubuntuland” que lles proporcionamos. O interese por ser fieis a súa realidade foi máximo. Non escatimemos en recursos para que poidan obervarse, pensarse e representarse. Están construíndo a súa identidade.