Somos Noemí (psicóloga e mediadora) e Olaia (politóloga especializada en migracións). Fillas de mestra e á vez tía e nai nunha familia intercultural afrodescendente.

Somos moitas familias as que vivimos unha diversidade cultural que despois non atopamos nos centros educativos. A ausencia de referentes, alén dos núcleos próximos e familiares, é unha realidade coa que temos que lidar día a día, o cal deixa unha pegada considerable no proceso de construción da identidade. Dende Trocadela, cremos firmemente que podemos aportar unha visión importante á comunidade educativa.