No taller De que cor somos? abordamos a importancia da cor da pel na construción da identidade propia e na percepción social que se deriva da mesma. 

A cor da pel e as súas connotacións no imaxinario colectivo, son unha cuestión fundamental na construción de espazos de convivencia respectuosa. Abordalo dunha maneira lúdica, visual e participativa é a mellor maneira de normalizar a diferenza dende a infancia.

No taller O noso barrio deixamos voar a imaxinación dos máis novos ofrecéndolles ferramentas para observar de maneira consciente a súa contorna, recursos para comunicar as súas reflexións e opcións para desenvolver propostas enfocadas a unha convivencia activa e respectuosa.

Se tes inquedanzas definidas, necesidades específicas e intereses particulares sobre cuestións que afectan á convivencia na túa contorna, ofrecémosche a oportunidade de deseñar un taller acorde cos teus intereses.

De maneira persoalizada abordamos temas fundamentais para unha convivencia activa e respectuosa, adaptando os contidos  aos diversos contextos.