Hija de inmigrantes

• CATEGORÍA:  Narrativa

• TEXTO: Safia El Aaddam

• EDITORIAL: Nube de tinta

• PÁXINAS: 240

• IDADE RECOMENDADA: A partir de 14 anos

• VALORACIÓN TROCADELA:

  Unha historia conmovedora e necesaria que visibiliza unha realidade moitas veces ignorada. A través de Lunja, a súa protagonista, mergullámonos no día a día dunha nena de orixe amazigh (etnia autóctona do norte de África) que crece nun pequeno pobo catalán. Desde os seus primeiros anos, Lunja enfronta desafíos derivados do racismo, a precariedade e o choque entre a súa orixe cultural e a sociedade na que crece.

  A narrativa alterna entre o presente, onde Lunja acode a sesións coa súa psicóloga sendo xa adulta, e recordos da súa infancia. Esta estrutura permite comprender como as experiencias temperás han marcado a súa identidade e a súa saúde mental. A historia aborda de maneira íntima e honesta temas como a discriminación no ámbito escolar, a dificultade de conciliar dúas culturas e a loita por atopar un lugar no mundo sen renunciar ás raíces.

  Cun estilo accesible, directo e sen artificios innecesarios, cada episodio da vida de Lunja esperta preguntas sobre a identidade, a integración e a importancia do apoio comunitario en contornas hostís.

  Unha lectura recomendable para quen queira comprender mellor as vivencias das segundas xeracións en España. Unha historia realista e emotiva que convida a reflexionar sobre a identidade e o impacto dos prexuízos, o racismo e a exclusión social.